Sanskrit Corpus

anantaścāsmi nāgānāṃ varuṇo yādasāmaham । pitṝṇāmaryamā cāsmi yamaḥ saṃyamatāmaham ॥

“And I am the Endless among serpents, Varuṇa among sea-dwellers; of ancestors I am Aryaman, of restrainers I am Yama.”

prahlādaścāsmi daityānāṃ kālaḥ kalayatāmaham । mṛgāṇāṃ ca mṛgendro'haṃ vainateyaśca pakṣiṇām ॥

“And I am Prahlāda among demons, time among reckoners; among beasts I am the king of beasts, and among birds the son of Vinatā.”

pavanaḥ pavatāmasmi rāmaḥ śastrabhṛtāmaham । jhaṣāṇāṃ makaraścāsmi srotasāmasmi jāhnavī ॥

“Of purifiers I am the wind, of weapon-bearers Rāma; among fishes I am the sea-beast, of streams I am the Ganges.”

sargāṇāmādirantaśca madhyaṃ caivāhamarjuna । adhyātmavidyā vidyānāṃ vādaḥ pravadatāmaham ॥

“Of sendings-forth I am the start, the end and the middle too, O Arjuna; of lores I am the lore of the self, of speakers I am debate.”

akṣarāṇāmakāro'smi dvandvaḥ sāmāsikasya ca । ahamevākṣayaḥ kālo dhātāhaṃ viśvatomukhaḥ ॥

“Of letters I am the letter A, and of compounds the pairing; I Myself am imperishable time, the ordainer facing everywhere.”

mṛtyuḥ sarvaharaścāhamudbhavaśca bhaviṣyatām । kīrtiḥ śrīrvākca nārīṇāṃ smṛtirmedhā dhṛtiḥ kṣamā ॥

“And I am death the all-snatcher, and the birth of things to be; among women, fame, fortune, speech, memory, wit, resolve, patience.”

bṛhatsāma tathā sāmnāṃ gāyatrī chandasāmaham । māsānāṃ mārgaśīrṣo'hamṛtūnāṃ kusumākaraḥ ॥

“And among chants I am the great chant, among metres I am the Gāyatrī; among months I am the November-December one, among seasons the flower-maker.”

dyūtaṃ chalayatāmasmi tejastejasvināmaham । jayo'smi vyavasāyo'smi sattvaṃ sattvavatāmaham ॥

“Of cheats I am dicing, of splendid men the splendour; I am victory, I am resolve, I am the goodness of the good.”

vṛṣṇīnāṃ vāsudevo'smi pāṇḍavānāṃ dhanaṃjayaḥ । munīnāmapyahaṃ vyāsaḥ kavīnāmuśanā kaviḥ ॥

“Of Vṛṣṇis I am Vāsudeva, of Pāṇḍavas Dhanañjaya; and of sages I am Vyāsa, of seers the seer Uśanas.”

daṇḍo damayatāmasmi nītirasmi jigīṣatām । maunaṃ caivāsmi guhyānāṃ jñānaṃ jñānavatāmaham ॥

“Of tamers I am the rod, of seekers of victory I am statecraft; and of secrets I am silence, of knowers I am knowledge.”

yaccāpi sarvabhūtānāṃ bījaṃ tadahamarjuna । na tadasti vinā yatsyānmayā bhūtaṃ carācaram ॥

“And whatever is the seed of all beings, that am I, O Arjuna; nothing moving or unmoving exists that could be without Me.”

nānto'sti mama divyānāṃ vibhūtīnāṃ parantapa । eṣa tūddeśataḥ prokto vibhūtervistaro mayā ॥

“There is no end to My divine powers, O tormentor of foes; this extent of power has been declared by Me by outline alone.”

yadyadvibhūtimatsattvaṃ śrīmadūrjitameva vā । tattadevāvagaccha tvaṃ mama tejoṃ'śasaṃbhavam ॥

“Whatever state has power, fortune, or might — know that as sprung from a fragment of My splendour.”

athavā bahunaitena kiṃ jñātena tavārjuna । viṣṭabhyāhamidaṃ kṛtsnamekāṃśena sthito jagat ॥

“But what have you to do with knowing all this at length, O Arjuna? Propping this whole world with a single fragment, I stand.”

madanugrahāya paramaṃ guhyamadhyātmasaṃjñitam । yattvayoktaṃ vacastena moho'yaṃ vigato mama ॥

“For favour to me, the word you spoke — this highest secret called the self — has dispelled my delusion.”

bhavāpyayau hi bhūtānāṃ śrutau vistaraśo mayā । tvattaḥ kamalapatrākṣa māhātmyamapi cāvyayam ॥

“The birth and passing of beings I have heard from You at length, O lotus-eyed, and Your changeless greatness too.”

evametadyathāttha tvamātmānaṃ parameśvara । draṣṭumicchāmi te rūpamaiśvaraṃ puruṣottama ॥

“As You have told Yourself, O highest lord, so it is; I long to see Your lordly form, O best of men.”

manyase yadi tacchakyaṃ mayā draṣṭumiti prabho । yogeśvara tato me tvaṃ darśayātmānamavyayam ॥

“If You think it can be seen by me, O lord, master of discipline, then show me Your changeless self.”

paśya me pārtha rūpāṇi śataśo'tha sahasraśaḥ । nānāvidhāni divyāni nānāvarṇākṛtīni ca ॥

“Behold, O Pārtha, My forms by hundreds and thousands — manifold, divine, of many hues and shapes.”

paśyādityānvasūnrudrānaśvinau marutastathā । bahūnyadṛṣṭapūrvāṇi paśyāścaryāṇi bhārata ॥

“Behold the sun-gods, Vasus, Rudras, the two Aśvins, and the storm-gods; behold, O Bhārata, many wonders never seen before.”

ihaikasthaṃ jagatkṛtsnaṃ paśyādya sacarācaram । mama dehe guḍākeśa yaccānyaddraṣṭumicchasi ॥

“Behold today the whole world, moving and unmoving, standing in one place in My body, O Guḍākeśa, and whatever else you wish to see.”

na tu māṃ śakyase draṣṭumanenaiva svacakṣuṣā । divyaṃ dadāmi te cakṣuḥ paśya me yogamaiśvaram ॥

“But you cannot see Me with this eye of yours alone; I give you a divine eye — behold My lordly discipline.”

evamuktvā tato rājanmahāyogeśvaro hariḥ । darśayāmāsa pārthāya paramaṃ rūpamaiśvaram ॥

“Having spoken thus, O king, the great lord of discipline Hari showed Pārtha His highest lordly form.”

anekavaktranayanamanekādbhutadarśanam । anekadivyābharaṇaṃ divyānekodyatāyudham ॥

“Of many mouths and eyes, of many wondrous sights, of many divine ornaments, with many divine uplifted weapons.”

divyamālyāmbaradharaṃ divyagandhānulepanam । sarvāścaryamayaṃ devamanantaṃ viśvatomukham ॥

“Wearing divine garlands and garments, anointed with divine scents, the god all-wonder, endless, facing everywhere.”

divi sūryasahasrasya bhavedyugapadutthitā । yadi bhāḥ sadṛśī sā syādbhāsastasya mahātmanaḥ ॥

“If the blaze of a thousand suns should rise at once in the sky, that would be like the splendour of that great self.”

tatraikasthaṃ jagatkṛtsnaṃ pravibhaktamanekadhā । apaśyaddevadevasya śarīre pāṇḍavastadā ॥

“There the Pāṇḍava then saw the whole world standing in one place, split manifold, in the body of the god of gods.”

tataḥ sa vismayāviṣṭo hṛṣṭaromā dhanaṃjayaḥ । praṇamya śirasā devaṃ kṛtāñjalirabhāṣata ॥

“Then Dhanañjaya, filled with wonder, his hair on end, bowed his head to the god and spoke with folded hands.”

paśyāmi devāṃstava deva dehe sarvāṃstathā bhūtaviśeṣasaṃghān । brahmāṇamīśaṃ kamalāsanasthamṛṣīṃśca sarvānuragāṃśca divyān ॥

“'I see the gods in Your body, O god, and all hosts of varied beings — Brahmā the lord on his lotus seat, all seers, and divine serpents.'”

anekabāhūdaravaktranetraṃ paśyāmi tvāṃ sarvato'nantarūpam । nāntaṃ na madhyaṃ na punastavādiṃ paśyāmi viśveśvara viśvarūpa ॥

“'Many-armed, many-bellied, many-mouthed, many-eyed, I see You everywhere, of endless form; I see no end, no middle, no beginning of You, O lord of all, O all-formed.'”

kirīṭinaṃ gadinaṃ cakriṇaṃ ca tejorāśiṃ sarvato dīptimantam । paśyāmi tvāṃ durnirīkṣyaṃ samantāddīptānalārkadyutimaprameyam ॥

“'Crowned, mace- and discus-bearing, a mass of splendour, blazing on all sides, I see You, hard to behold all round, blazing like kindled fire and sun, immeasurable.'”

tvamakṣaraṃ paramaṃ veditavyaṃ tvamasya viśvasya paraṃ nidhānam । tvamavyayaḥ śāśvatadharmagoptā sanātanastvaṃ puruṣo mato me ॥

“'You are the supreme imperishable to be known, You the highest storehouse of this world; You the changeless, the guardian of lasting law — You the ancient Person, so I think.'”

anādimadhyāntamanantavīryamanantabāhuṃ śaśisūryanetram । paśyāmi tvāṃ dīptahutāśavaktraṃ svatejasā viśvamidaṃ tapantam ॥

“'Beginningless, middleless, endless, of endless valour, endless-armed, moon-and-sun-eyed, I see You, fire-mouthed and blazing, heating this world with Your own glow.'”

dyāvāpṛthivyoridamantaraṃ hi vyāptaṃ tvayaikena diśaśca sarvāḥ । dṛṣṭvādbhutaṃ rūpamugraṃ tavedaṃ lokatrayaṃ pravyathitaṃ mahātman ॥

“'By You alone are this mid-space of heaven and earth and all quarters pervaded; seeing this wondrous dread form of Yours, the three worlds tremble, O great self.'”

amī hi tvāṃ surasaṃghā viśanti kecidbhītāḥ prāñjalayo gṛṇanti । svastītyuktvā maharṣisiddhasaṃghāḥ stuvanti tvāṃ stutibhiḥ puṣkalābhiḥ ॥

“'These hosts of gods enter You; some in fear hymn You with folded hands; crying hail, the hosts of great seers and perfected ones praise You with rich hymns.'”

rudrādityā vasavo ye ca sādhyā viśve'śvinau marutaścoṣmapāśca । gandharvayakṣāsurasiddhasaṃghā vīkṣante tvāṃ vismitāścaiva sarve ॥

“'Rudras, sun-gods, Vasus, Sādhyas, All-gods, the two Aśvins, storm-gods, and drinkers of steam — hosts of singers, sprites, demons and perfected ones gaze at You, all amazed.'”

rūpaṃ mahatte bahuvaktranetraṃ mahābāho bahubāhūrupādam । bahūdaraṃ bahudaṃṣṭrākarālaṃ dṛṣṭvā lokāḥ pravyathitāstathāham ॥

“'Seeing Your great form, O mighty-armed, of many mouths and eyes, many arms, thighs and feet, many bellies, dread with many tusks — the worlds tremble, and so do I.'”

nabhaḥspṛśaṃ dīptamanekavarṇaṃ vyāttānanaṃ dīptaviśālanetram । dṛṣṭvā hi tvāṃ pravyathitāntarātmā dhṛtiṃ na vindāmi śamaṃ ca viṣṇo ॥

“'Seeing You sky-touching, blazing, many-hued, gaping-mouthed, with blazing great eyes, my inmost self trembles; I find no resolve nor calm, O Viṣṇu.'”

daṃṣṭrākarālāni ca te mukhāni dṛṣṭvaiva kālānalasannibhāni । diśo na jāne na labhe ca śarma prasīda deveśa jagannivāsa ॥

“'Seeing Your tusk-dread mouths like the fire of doomsday, I know not the quarters nor find relief — be gracious, lord of gods, home of the world.'”

amī ca tvāṃ dhṛtarāṣṭrasya putrāḥ sarve sahaivāvanipālasaṃghaiḥ । bhīṣmo droṇaḥ sūtaputrastathāsau sahāsmadīyairapi yodhamukhyaiḥ ॥

“'And these sons of Dhṛtarāṣṭra with all the hosts of kings, Bhīṣma, Droṇa, yonder son of the charioteer, and our chief fighters too —'”

vaktrāṇi te tvaramāṇā viśanti daṃṣṭrākarālāni bhayānakāni । kecidvilagnā daśanāntareṣu saṃdṛśyante cūrṇitairuttamāṅgaiḥ ॥

“'rush into Your dread, fearful, tusk-gaping mouths; some, stuck between the teeth, are seen with pounded heads.'”

yathā nadīnāṃ bahavo'mbuvegāḥ samudramevābhimukhā dravanti । tathā tavāmī naralokavīrā viśanti vaktrāṇyabhivijvalanti ॥

“'As many torrents of rivers run facing the sea alone, so these heroes of the human world enter Your blazing mouths.'”

yathā pradīptaṃ jvalanaṃ pataṅgā viśanti nāśāya samṛddhavegāḥ । tathaiva nāśāya viśanti lokāstavāpi vaktrāṇi samṛddhavegāḥ ॥

“'As moths enter a blazing flame to their doom with gathering speed, so the worlds enter Your mouths to their doom with gathering speed.'”

lelihyase grasamānaḥ samantāllokānsamagrānvadanairjvaladbhiḥ । tejobhirāpūrya jagatsamagraṃ bhāsastavogrāḥ pratapanti viṣṇo ॥

“'Licking up all the worlds on every side with flaming mouths, devouring, You fill the whole world with splendours; Your dread rays scorch, O Viṣṇu.'”

ākhyāhi me ko bhavānugrarūpo namo'stu te devavara prasīda । vijñātumicchāmi bhavantamādyaṃ na hi prajānāmi tava pravṛttim ॥

“'Tell me who You are, of dread form — homage to You, best of gods, be gracious. I wish to know You, the primal one, for I do not grasp Your working.'”

kālo'smi lokakṣayakṛtpravṛddho lokānsamāhartumiha pravṛttaḥ । ṛte'pi tvāṃ na bhaviṣyanti sarve ye'vasthitāḥ pratyanīkeṣu yodhāḥ ॥

“'I am time, the world-destroyer grown great, set here to gather in the worlds; even without you, none of these arrayed warriors on the hostile sides will survive.'”

tasmāttvamuttiṣṭha yaśo labhasva jitvā śatrūnbhuṅkṣva rājyaṃ samṛddham । mayaivaite nihatāḥ pūrvameva nimittamātraṃ bhava savyasācin ॥

“'So rise up, win glory, conquer your foes and enjoy a rich kingdom; by Me alone they are already slain — be a mere instrument, O left-handed archer.'”

droṇaṃ ca bhīṣmaṃ ca jayadrathaṃ ca karṇaṃ tathānyānapi yodhavīrān । mayā hatāṃstvaṃ jahi mā vyathiṣṭhā yudhyasva jetāsi raṇe sapatnān ॥

“'Droṇa, Bhīṣma, Jayadratha, Karṇa, and the other warrior heroes slain by Me — slay them, do not waver; fight, and you will conquer your rivals in battle.'”

etacchrutvā vacanaṃ keśavasya kṛtāñjalirvepamānaḥ kirīṭī । namaskṛtvā bhūya evāha kṛṣṇaṃ sagadgadaṃ bhītabhītaḥ praṇamya ॥

“Hearing these words of Keśava, the crowned one, trembling, with folded hands, bowed again to Kṛṣṇa and spoke faltering, fearful, prostrating.”

sthāne hṛṣīkeśa tava prakīrtyā jagatprahṛṣyatyanurajyate ca । rakṣāṃsi bhītāni diśo dravanti sarve namasyanti ca siddhasaṃghāḥ ॥

“'Rightly, O Hṛṣīkeśa, does the world rejoice and delight in Your praise; demons flee in fear to the quarters, and all hosts of perfected ones bow.'”